Handstitch
Заштитата на приватноста и доверливоста на личните податоци на клиентите, корисниците и соработниците е од особено значење за Работилница за рачна изработка на кожни продукти ХЕНДСТИЧ Милош Срѓан Миклош Таневски (во натамошниот текст: „ХЕНДСТИЧ“ или „Контролорот“), земајќи ја предвид природата на работењето, односно подготовка, изработка и продажба на рачно изработени паричници и други предмети од кожа.
Оваа Политика за приватност има за цел да го објасни процесот на собирање, користење, обработка, откривање, заштита и бришење на личните податоци кои ХЕНДСТИЧ ги обработува во рамки на своето тековно работење, вклучително и при онлајн продажба, комуникација со клиенти, креирање кориснички акаунт и достава на нарачани производи.
Секоја активност поврзана со личните податоци, ХЕНДСТИЧ ја спроведува во согласност со одредбите на Законот за заштита на личните податоци и подзаконските акти донесени врз основа на овој Закон.
ХЕНДСТИЧ, согласно одредбите на Законот за заштита на личните податоци, има улога на контролор, односно субјект кој ги утврдува целите и начинот на обработка на личните податоци на субјектите на лични податоци.
Во делот на достава на нарачаните производи, ХЕНДСТИЧ може да ангажира надворешна компанија за достава, која ќе добие само оние лични податоци што се неопходни за реализација на доставата.
Како контролор, ХЕНДСТИЧ обезбедува заштита и обработка на личните податоци во согласност со важечката правна рамка и обезбедува дека личните податоци се обработуваат согласно следните начела:
• Законитост, правичност и транспарентност – личните податоци се обработуваат согласно закон, правично и на транспарентен начин во однос на субјектот на личните податоци;
• Ограничување на целите – личните податоци се собираат за конкретни, јасни и легитимни цели и нема да се обработуваат на начин што не е во согласност со тие цели;
• Минимален обем на податоци – личните податоци кои се обработуваат се соодветни, релевантни и ограничени на она што е неопходно во однос на целите заради кои се обработуваат;
• Точност – личните податоци се точни и, каде што е потребно, ажурирани, при што се преземаат соодветни мерки за исправка или бришење на неточните или нецелосните податоци;
• Ограничување на рокот на чување – личните податоци се чуваат не подолго од она што е потребно за целите поради кои се обработуваат, освен доколку подолг рок на чување е потребен согласно закон;
• Интегритет и доверливост – личните податоци се обработуваат на начин кој обезбедува соодветно ниво на безбедност, вклучувајќи заштита од неовластена или незаконска обработка, случајно губење, уништување или оштетување;
• Отчетност – ХЕНДСТИЧ е одговорен за усогласеноста со горенаведените начела и може да ја демонстрира усогласеноста согласно барањата на применливата регулатива.
ХЕНДСТИЧ обработува лични податоци во обем кој е неопходен за вршење на својата дејност, односно изработка, продажба и достава на рачно изработени кожни производи.
Во зависност од конкретната активност, може да се обработуваат следните категории на лични податоци:
При онлајн продажба и обработка на нарачки, ХЕНДСТИЧ може да ги обработува следните лични податоци:
• име и презиме;
• телефонски број;
• град;
• податоци за нарачаниот производ;
• податоци за комуникација поврзана со нарачката;
• податоци за достава, доколку се потребни за испорака на производот.
• Дизајни на производи по нарачка: избори за прилагодување што ги прави клиентот (кожа, конец, бои, текст за гравирање).
Плаќање: плаќањата со картичка се обработуваат од Halkbank ePay; ние не примаме ниту складираме целосни броеви на картички - клиентот ги внесува на безбедната страница на Halkbank. За плаќање по нарачка, не се собираат податоци за плаќање преку интернет.
Доколку корисникот креира кориснички акаунт, ХЕНДСТИЧ може да ги обработува следните лични податоци:
• адреса на електронска пошта;
• лозинка.
Лозинката треба да се чува во заштитена форма и не треба да биде достапна во читлива форма за ХЕНДСТИЧ или за неовластени лица.
При комуникација со клиенти, потенцијални клиенти, соработници или други лица, ХЕНДСТИЧ може да обработува:
• име и презиме;
• телефонски број;
• адреса на електронска пошта;
• содржина на пораката или барањето;
• евиденција за комуникација поврзана со нарачка, прашање, рекламација или друга деловна комуникација.
Доколку е потребно за исполнување на законски, даночни, сметководствени или други регулаторни обврски, ХЕНДСТИЧ може да обработува лични податоци содржани во фактури, нарачки, сметководствени документи, евиденции и друга деловна документација.
ХЕНДСТИЧ ги обработува личните податоци само за конкретни, јасни и легитимни цели.
Личните податоци се обработуваат со цел прием, потврда, подготовка, изработка, продажба и достава на нарачаните производи.
Правен основ за оваа обработка е преземање активности на барање на субјектот пред склучување договор и/или исполнување на договорна обврска.
Личните податоци се обработуваат со цел овозможување на креирање и користење кориснички акаунт, пристап до кориснички профил и полесно управување со нарачки.
Правен основ за оваа обработка е согласност на корисникот и/или преземање активности на барање на корисникот.
Личните податоци се обработуваат со цел комуникација во врска со производите, нарачките, достава, рекламации, прашања, барања и друга деловна комуникација.
Правен основ за оваа обработка е исполнување на договорна обврска, преземање активности на барање на субјектот и легитимен интерес на ХЕНДСТИЧ за одговарање на добиени барања и комуникација со клиенти.
Личните податоци се обработуваат и откриваат на надворешна компанија за достава, исклучиво во обем потребен за испорака на нарачаните производи.
Правен основ за оваа обработка е исполнување на договорна обврска кон клиентот.
Личните податоци се обработуваат заради исполнување на законски, даночни, сметководствени, архивски и други обврски кои се применуваат на ХЕНДСТИЧ.
Правен основ за оваа обработка е исполнување на законска обврска.
Личните податоци може да се обработуваат и кога тоа е неопходно за заштита на правата, имотот, деловните интереси или правните барања на ХЕНДСТИЧ, вклучително и постапување по рекламации, барања, спорови или други правни постапки.
Правен основ за оваа обработка е легитимен интерес, освен кога интересите или основните права и слободи на субјектот на личните податоци преовладуваат над таквиот интерес.
ХЕНДСТИЧ може да открие лични податоци само кога тоа е потребно за исполнување на конкретна цел на обработка, за исполнување на законска обврска или кога постои друг соодветен правен основ согласно Законот за заштита на личните податоци.
Личните податоци може да бидат откриени на следните категории корисници:
• компании за достава, исклучиво за целите на испорака на нарачани производи;
• даватели на ИТ услуги, веб-хостинг, одржување на веб-страница или платформа за онлајн продажба;
• даватели на услуги за електронска комуникација, доколку е потребно за комуникација со клиентите;
• овластени сметководители и даватели на сметководствени услуги;
• банки, платежни институции или други даватели на платежни услуги, доколку се користи електронско плаќање;
• надлежни државни органи, инспекциски органи, судови, извршители или други органи кога тоа е потребно согласно закон или одлука на надлежен орган;
• други лица или субјекти кога тоа е неопходно за остварување на правата и легитимните интереси на ХЕНДСТИЧ.
ХЕНДСТИЧ соработува со трети лица кои се должни да обезбедат соодветно ниво на заштита на личните податоци. Кога третите лица дејствуваат како обработувачи, тие се обврзуваат да ги обработуваат личните податоци само согласно инструкциите на ХЕНДСТИЧ и со примена на соодветни технички и организациски мерки.
ХЕНДСТИЧ нема да врши пренос на лични податоци во трети земји или меѓународни организации, освен доколку тоа е неопходно за користење одредени ИТ, хостинг, комуникациски, платежни или други услуги.
Доколку се врши пренос на лични податоци надвор од Република Северна Македонија, ХЕНДСТИЧ ќе обезбеди дека таквиот пренос се врши согласно Законот за заштита на личните податоци, вклучително и преку примена на соодветни заштитни мерки, договорни клаузули, одлука за соодветност или друг применлив механизам предвиден со закон.
ХЕНДСТИЧ ги чува личните податоци само онолку колку што е потребно за исполнување на целите за кои се собрани, освен доколку подолг рок на чување е потребен согласно закон.
Личните податоци поврзани со нарачки, продажба, достава и комуникација со клиентите се чуваат за период потребен за реализација на нарачката, постапување по евентуални рекламации, исполнување на договорни обврски и заштита на правата и легитимните интереси на ХЕНДСТИЧ.
Личните податоци содржани во сметководствена, даночна и деловна документација се чуваат согласно применливите законски рокови.
Податоците поврзани со кориснички акаунт се чуваат сè додека корисничкиот акаунт е активен, односно до негово бришење од страна на корисникот или ХЕНДСТИЧ, освен доколку постои законска основа за понатамошно чување на одредени податоци.
По истекот на роковите за чување, личните податоци се бришат, уништуваат или анонимизираат на безбеден начин.
Субјектите на лични податоци имаат права утврдени со Законот за заштита на личните податоци, и тоа:
• право на информираност;
• право на пристап до личните податоци;
• право на исправка или дополнување;
• право на бришење на личните податоци;
• право на ограничување на обработката;
• право на преносливост на податоците;
• право на приговор;
• право да не бидат предмет на одлука заснована единствено на автоматизирана обработка, вклучувајќи профилирање, доколку се применливо.
ХЕНДСТИЧ не врши автоматизирано донесување одлуки кое произведува правни последици за субјектите на лични податоци или на сличен начин значително влијае врз нив.
Барање за остварување на правата може да се поднесе писмено или електронски преку контакт податоците наведени во оваа Политика.
ХЕНДСТИЧ ќе постапи по барањата на субјектите во роковите и на начин утврдени со Законот за заштита на личните податоци. Доколку барањето е очигледно неосновано или прекумерно, особено ако се повторува, ХЕНДСТИЧ може да одбие да постапи по барањето или да наплати надоместок, согласно условите предвидени со закон.
Субјектите на лични податоци имаат право да поднесат претставка до Агенцијата за заштита на личните податоци.
Агенција за заштита на личните податоци бул. „Гоце Делчев“ бр. 18, зграда на Македонска радио телевизија,кат14,Скопје
ХЕНДСТИЧ презема соодветни технички и организациски мерки за заштита на личните податоци од случајно или незаконско уништување, губење, измена, неовластено откривање или пристап.
Мерките за заштита вклучуваат ограничен пристап до личните податоци, користење безбедни начини на комуникација и обработка, заштита на корисничките акаунти, соодветно управување со лозинки и соработка со трети лица кои обезбедуваат соодветно ниво на заштита.
Во случај на нарушување на безбедноста на личните податоци, ХЕНДСТИЧ ќе постапи согласно Законот за заштита на личните податоци и, доколку се исполнети законските услови, ќе ја извести Агенцијата за заштита на личните податоци најдоцна во рок од 72 часа од дознавањето за нарушувањето. Доколку нарушувањето може да предизвика висок ризик за правата и слободите на физичките лица, ХЕНДСТИЧ ќе ги извести и засегнатите субјекти на лични податоци.
Оваа Политика за приватност е усвоена во 2026 година.
ХЕНДСТИЧ има право да ја ажурира, измени или дополни оваа Политика за приватност со цел усогласување со важечката правна рамка, промена на начинот на работење, воведување нови услуги, промена на начинот на онлајн продажба или промена на начинот на обработка на личните податоци.
Во случај на измена или дополнување, ХЕНДСТИЧ ќе ја објави ажурираната верзија на Политиката за приватност.
За прашања во врска со оваа Политика за приватност, обработката на личните податоци или остварувањето на правата согласно Законот за заштита на личните податоци, субјектите можат да го контактираат ХЕНДСТИЧ преку следните контакт податоци:
Контролор: Работилница за рачна изработка на кожни продукти ХЕНДСТИЧ Милош Срѓан Миклош Таневски Адреса:Булевар 3-та Македонска Бригада бр.45/2 Скопје - Аеродром
Инстаграм профил: https://www.instagram.com/handstitch_mk/?hl=en
